BREAKING NEWSSS MUFTI MKUU WA TANZANIA SHEIKH ISSA BIN SHAABAN SIMBA AFARIKI DUNIA.

MUFTI  Mkuu wa Tanzania,  Sheikh Issa Bin Shaaban Simba,  enzi za uhai wake.

Habari zilizofika chumba chetu cha habari mapema asubuhi leo na kuthibitishwa na mamlaka husika zinasema Mufti Mkuu wa Tanzania,  Sheikh Issa Bin Shaaban Simba,  amefariki dunia alfajiri ya leo katika hospitali ya TMJ jijini Dar es Salaam. 

Habari hizo zinasema mwili wa marehemu umeondolewa hospitali hapo na kuhamishiwa hospitali kuu ya Jeshi ya Lugalo kungoja taratibu za mazishi.

  Kwamujibu Sheikh Mkuu wa Mkoa wa Dar es Salaam, Alhad Mussa Salum
 amesema kuwa marehemu alikuwa akisumbuliwa na maradhi ya moyo pamoja na presha.
Mwili wa marehemu utasafirishwa kesho mkoani Shinyanga  kwaajili ya maziko.
  Tutaendelea kuwaletea taarifa zaidi 
kwa kadri  zitapopatikana.


Inna lillahi wa inna ilayhi raji'un