ARSENAL HOI KWA BAYERN

Wojciech Szczesny akijaribu kumzuia Arjen Robben bila mafanikio.

Kipa wa Arsenal, Wojciech Szczesny akimchezea rafu Robben kupelekea penalti na kadi nyekundu.

... Szczesny akizawadiwa kadi nyekundu.

David Alaba wa Bayern Munich akikosa penalti.

Kiungo wa Arsenal, Mesut Ozil naye akikosa mkwaju wa penalti kipindi cha kwanza.

Wachezaji wa Bayern Munich wakishangilia bao lao la kwanza.

Hekaheka wakati wa mtanange huo.

TIMU ya Arsenal FC imepokea kipigo cha bao 2-0 kutoka kwa Bayern Munich katika  mechi ya Ligi ya Mabingwa Ulaya iliyochezwa Uwanja wa Emirates, London hivi punde.

Arsenal waliokuwa nyumbani katika Uwanja wao wa Emirates wamemaliza mchezo wakiwa 10  baada ya kipa wao Wojciech Szczesny kumchezea rafu wimba wa Bayern Munich, Arjen Robben aliyekuwa anaelekea kufunga bao.

Baada ya rafu hiyo, Szczesny alizawadiwa kadi nyekundu na kuamriwa ipigwe penalti langoni mwa Arsenal japo David Alaba  aliikosa.

Mechi ya leo imeshuhudia timu zote mbili zikikosa penalti ambapo ya Arsenal imekoswa na Mesut Ozil na ya Munich ikikoswa na David Alaba.

Wafungaji mabao ya Munich walikuwa Toni Kroos na Tomas Muller.

(PICHA ZOTE KWA HISANI YA MAIL ONLINE)