LORD EYEZ MIKONONI MWA POLISI TENA KWA KOSA LA KUVUNJA KIOO CHA GARI, KUNDI LA WEUSI LAMPIGA STOP.

Aliyekuwa kinara wa kundi la Nako to Nako Soldier, Lord Eyez amejikuta akiingia mikononi mwa polisi akituhumiwa  kwa kosa kama lile alilomfanyia msanii mwenzake, Ommy Dimpoz, la kuvunja kioo cha gari na kutaka kuiba jijini Arusha.

Rapa Niki wa pili ambaye ni msemaji wa kundi la Weusi, amesema kwamba kwa sasa wamemsimamisha msanii huyo aliyekuwa mwanafamilia wa Crew ya Weusi wanaotokea kanda ya kaskazini, hasa kutokana na mfululizo wa matukio aliyoyafanya ambayo hayaleti picha nzuri kwenye jamii.