WAFANYABIASHARA MANISPAA YA SUMBAWANGA WALALAMIKIA KODI MBALIMBALI SERIKALINI, MKUU WA MKOA WA RUKWA ENG. STELLA MANYANYA AWATAKA KUWA WAZALENDO KULIPA KODI KWA HIARI KUJENGA NCHI YAO

Mkuu wa Mkoa wa Rukwa Eng. Stella Manyanya akisikiliza risala ya umoja wa wafanyabiashara wa Manispaa ya Sumbawanga iliyokuwa ikisomwa kwake na Mwenyekiti wa umoja huo Ndugu Willington Kiziba Ndyetabura (Kulia). Katika risala hiyo yalikuwepo malalamiko mbalimbali ikiwemo ya matumizi ya mashine za EFD ambapo ni pamoja na gharama kubwa za mataengenezo, Ada ya ukaguzi wa majanga ya moto(Fire), Kupanda mara mbili kwa kodi ya mapato kwa wafanyabiashara wadogo na Ulinzi na Usalama kwa wafanyabiashara. Wafanyabiashara hao walihoji n ivigezo gani vilivyotumika kupandishwa kwa kodi hiyo. 

Mkuu wa Mkoa wa Rukwa Eng. Stella Manyanya akizungumza na umoja wa wafanyabiashara wa Manispaa ya Sumbawanga tarehe 19/03/2015 katika mkutano wa pamoja wa kusikiliza kero zao mbalimbali uliofanyika katika ukumbi wa Upendo View katikati ya Mji wa Sumbawanga. Wafanyabiashara hao waliomba kuonana na Mkuu huyo wa Mkoa ambapo pamoja na mambo mengine aliwataka wafanyabiashara hao kuwa wazalendo kwa kulipa kodi kwa hiari ili kuchangia maendeleo ya Mkoa na taifa kwa ujumla.

 Katika kujibu kero zao mbalimbali alisema kuwa, zile kero ambazo haziwezi kutatuliwa mpaka yafanyike mabadiliko ya sheria atayachukua na kuyafikisha sehemu husika na pindi marekebisho yatakapohitajika yatafanyiwa kazi, aliwataka pia wafanyabishara hao watii sheria mbalimbali za kodi ikiwemo kuchangia ada ya ukaguzi wa majanga ya moto ili kuimarisha jeshi la zimamoto ambalo linahitaji maboresho makubwa kwa usalama wa wananchi na malizao.

Kuhusu hali ya ulinzi na usalama katika Mkoa wa Rukwa alisema kwa sasa hali ni shwari ukilinganisha na kipindi cha nyuma ambapo hivi karibuni wahalifu mbalimbali waliokuwa wakisumbua wamekamatwa. Aliwataka wafanyabiashara hao kuwa walinzi namba moja wa amani katika Mkoa wa Rukwa kwa kutoa taarifa zozote zenye dalili za uhalifu au za watu wanaowatilia mashaka. 

Sehemu ya wafanyabiashara wa Mjini Sumbawanga wakifuatilia moja ya mada katika Mkutano huo.

Mhe. Rais wa Jamhuri ya Muungano wa Tanzania kutoka Naibu Kamishna wa Polisi kuwa Kamishna wa Polisi. Hafla hiyo fupi ilifanyinyika jana Makao Makuu ya Polisi jijini Dar es Salaam.(Picha na Frank Geofray-Jeshi la Polisi). Rais wa Jamuhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama mhe. Dkt Jakaya Mrisho Kikwete, amewapandisha vyeo maafisa watatu (3) wa Jeshi la Polisi kutoka cheo cha Naibu Kamishina wa Polisi (DCP) kuwa Kamishina wa Polisi (CP) na maafisa wengine 14 kutoka cheo cha Kamishina Msaidizi Mwandamizi wa Polisi (SACP) kuwa Naibu Kamishina wa Polisi (DCP). Maofisa waliopandishwa vyeo kutoka cheo cha Naibu Kamishina wa Polisi (DCP) kuwa Kamishina wa Polisi (CP) ni pamoja na Kenneth Kasseke, Elice Mapunda na Diwani Athumani. Maofisa wengine waliopandishwa cheo kutoka Kamishina Msaidizi Mwandamizi wa Polisi (SACP) kuwa Naibu Kamishina wa Polisi (DCP) ni pamoja na Godluck Mongi, Ally Lugendo, Salum Msangi, Faustine Shilogile, Maulid Mabakila, Albert Nyamhanga, Daniel Nyambabe, Salehe Ambika, Robert Boaz na Gabriel Semiono. Pia wamo kamanda wa Polisi mkoa wa Simiyu Charles Mkumbo, kamanda wa Polisi mkoa wa Mwanza Valentino Mlowola, kamanda wa Polisi mkoa wa Arusha Liberatus Sabas na kamanda wa Polisi mkoa wa Ilala Maria Nzuki. Aidha, mhe. Rais amempandisha Juma Yusuf Msige kutoka cheo cha kamishina msaidizi wa Polisi (ACP) kuwa kamishina msaidizi mwandamizi wa Polisi (SACP). Kufuatia kupandishwa vyeo kwa maafisa hao wa Jeshi la Polisi, Mkuu wa Jeshi la Polisi nchini IGP Ernest Mangu katika hafla fupi ya kuwaapisha makamishina hao wapya, amemshukuru Rais wa Jamhuri ya Muungano wa Tanzania na Amiri Jeshi Mkuu wa Majeshi ya Ulinzi na Usalama Mhe. Dkt Jakaya Mrisho Kikwete kwa kutambua mchango wa Jeshi la Polisi katika kuimarisha ulinzi na usalama wa raia na mali zao. Aidha, IGP Mangu amewapongeza maofisa wote waliopandishwa vyeo na kuwataka kuendelea kufanya kazi kwa bidii na weledi mkubwa ili kuwa chachu ya mabadiliko katika kuimarisha usalama wa raia na mali zao. IGP Mangu aliongeza kuwa, cheo ni dhamana na kuwataka kuwa mfano mzuri katika utekelezaji wa majukumu yao na usimamizi kwa walio chini yao. Imetolewa na: Advera Bulimba -SSP Msemaji wa Jeshi la Polisi.

Copy and WIN : http://ow.ly/KfYkt