Abdallah Idrissa Majura arejesha fomu za kugombea ubunge jimbo la Kawe

Mwandishi wa habari na mtangazaji maarufu nchini Abdallah Idrissa Majura jana ameahidi kufanya mapinduzi ya michezo katika jimbo la kawe ambao utakuwa ni mfano kwa maeneo mengine na taifa kwa ujumla.

akizungumza na vyombo vya habari mara baada ya kurejesha fomu za kuomba kugombea ubunge jimbo la kawe kupitia chama cha mapinduzi, amesema endapo atapendekezwa na ccm kisha kuchaguliwa kuwa munge wa jimb hilo ataanza na michezo mitano ambayo ni soka, mpira wa kikapu,netiboli, wavu na mpira wa mikono.

“mungu akinijaalia nikatimiza ndoto yangu ya miaka mingi nitaanza na michezo hii ambapo tutaunda timu moja yenye wachezaji mahiri katika kila mchezo na zote zitajulikana kwa jina moja tu kawe united”alisema mtangazaji huyo ambaye pia ni mwanamichezo maarufu.

amesema amekuwa akishangazwa kuona michezo kama mpira wa kikapu, netiboli, wavu na mpira wa mikono haipigi hatua wakati haina gharama kubwa za uendeshaji kulinganisha na soka ambayolicha ya kuhitaji fedha nyingi pia kuna ubabaishaji mkubwa ambapo viongozi wengi wanaougoza mchezo nia ni kupata manufaa binafsi.

amesema kwa sasa hawezi kuweka wazi mikakati atakayotumia kuiinua michezo hiyo kwakuwa wakati wa kampeni haujawadia.hata hivyo  amesema ameamua kuanza na michache kwa sababu kipindi cha miaka mitano ni kidogo hivyo kama atabeba mzigo wa mambo mengi atashindwa kutimiza ahadi zake.