MKOA WA MBEYA WAIOMBA IDARA YA MAMBO YA KALE KUWAKABIDHI MAKUMBUSHO YA MAMBO YA KALE YA KIMONDO

Hiki  ndicho  kimondo  kina tani 12

Na Matukiodaima Blog.

MKOA  wa  mbeya   umepania  kuboresha miundo  ya  kituo cha mambo ya  kale  cha  Kimondo wilayani Mbozi mkoani hapa  iwapo Idara ya Mambo ya kale iliyopo chini ya Wizara ya Maliasili na Utalii itakubali  ombi la mkoa   huo  kukabidhi  kivutio  Halmashauri  ya  Mbozi.

Hatua   hiyo   imekuja  kufuatilia ziara ya  wanahabari  mkoani Iringa wanaotembelea vivutio  vya  utalii  mikoa ya  Mbeya, Njombe na Iringa  kama  njia ya  kuhamasisha  utalii  mkoa ya nyanda  za  juu  kusini na pia  kubaini sababu  za  utalii kutokua kwa kasi katika  mikoa   hiyo  .

Mhifadhi  msaidizi  wa  kituo  cha makumbusho ya  mambo ya kale ya  Kimondo  wilayani  Mbozi Bw Mussa Nsojo alisema  kuwa  mbali  ya  watalii wengi  kupenda  kutembelea  eneo  hilo la Kimondo ila miundo  mbinu ya  eneo  hilo si rafiki kwa  watalii kuendelea  kutembelea  kutokana na  serikali  kushindwa  kuboresha  majengo na  eneo  hilo kwa  ujumla.

Alisema  kuwa  kimondo  hicho  ambacho mwaka kilipoanguka  eneo  hilo haufahamiki ila  utafiti wake ulianza kati ya  mwaka 1930 -1931 na kubainika  kuwa  si  jiwe la kawaida  bali ni sayari iliyoanguka  kutoka angani  toka  wakati   huo  kimendelea  kupata  umaarufu  wa  watalii kufika  kutembelea  eneo hilo japo katika  eneo  hilo mazingira  yake ni mabovu  zaidi.

Mhifadhi   huyo  akielezea  historia  ya  kimondo  hicho  alisema  kabla  ya  watafiti  kubaini  kuwa ni  kimondo miaka  ya  nyuma kulikuwa na wenyeji  ambao walikuwa  wakiishi  eneo  hilo na  mkazi  mmoja aliyefahamika  kwa jina la Harele  ambae  alikuwa akifanya kazi  ya uhunzi kuweza kubaini jiwe  hilo la ajabu wakati akitafuta  udongo chuma kabla  ya  kumega kipande  kidogo na kutengenezea shoka .

Alisema  kutokana na wakati   huo chuma kuwa na dhamani  kubwa alipeleka taarifa  kwa chifu  wa  eneo  hilo na  kulifanya  eneo hilo  kuwa  la tambiko kabla utawala  wa Waingereza  kuchukua eneo  hilo na  kulihifadhi kabla  ya  serikali ya  Tanzania  kupitia idara ya mambo ya  kale  kuhifadhi  eneo  hilo.

Kuhusu  changamoto  kubwa  zilizopo eneo  hilo alisema ni pamoja na kukosekana kwa  nyumba  bora  za watumishi ,jengo la ofisi  ya makumbusho  kutokana na kibanda  kilichopo  kutokuwa na sifa ya utalii ,pia miundo mbinu  ya barabara  kufika  kituoni hapo