JAHAZI MODERN TAARAB NA MASHUJAA BAND KUONYESHANA UFUNDI LEO USIKU TRAVERTINE HOTEL MAGOMENI

Onyesho lililokuwa linasubiriwa kwa hamu kubwa kati ya Jahazi Modern Taarab na Mashujaa Band limewadia na kilichobakia ni kila bendi kuonyesha ufundi wake jukwaani.

Ni Jumapili ya leo ndani ya Travertine Hotel, ambapo wakali wa tuzo za taraab Jahazi Modern Taarab watakutana jukwaa moja na wakali wa tuzo za dansi Mashujaa Band.

Kwa muda wa miaka miwili mfululizo Jahazi na Mashujaa wamekuwa wakizitawala tuzo za Kilimanjaro (KTMA) kwa upande wa taarab na dansi na sasa makundi hayo mawili yameamua kukutana jukwaa moja kuonyeshana ufundi.

Mratibu wa onyesho hilo, Seif Magwaru ameiambia Saluti5 kuwa hilo ni tukio la kihistoria, ni usiku wa wakali wa tuzo za kili kwa taarab na dansi, hivyo si kitu cha kukosa