CHELSEA YAIBANJUA ARSENAL 2-1 DARAJANI

CHELSEA YAIBANJUA ARSENAL 2-1 DARAJANI

 Nyota waliochukuliwa kama kielelezo cha upinzani wa mechi ya London Derby kati ya Chelsea na Arsenal jana kwenye Uwanja wa Stamford Bridge. Kushoto ni Demba Ba wa Chelsea, kulia ni Jack Wilishere wa Arsenal.

 Vita dimbani ikawa hivi, haikuwa lelemama hata kidogo kwa dakika zote 90 za mpambano huo Darajani. Beki wa Gunners, Francis Coquelin kushoto akichuana na Fernando Torres wa Chelsea.

 Frank Lampard kulia akishangilia baada ya kufunga kwa mkwaju wa penati, iliyotolewa na mwamuzi Martin Atkinson, baada ya kipa wa Gunners, Wojciech Szczesny kumwangusha Ramires ndani ya boksi.

 Hapa 'Winga Teleza' Theo Walcott wa Arsenal kulia akiifungia timu yake bao la kufutia machozi, huku jitihada za beki Branislav Ivanovic kushoto kuzuia Walcott aasimtungue mlinda mlango Petr Cech, zikigonga mwamba

 Kiungo Jack Wilshere wa Arsenal kushoto, akiungana kushangilia na Walcott baada ya kufunga bao la kufutia machozi kwa Washika Bunduki.

Soka sio lelemama. Ndivyo unavyoweza kusema pindi unaposhuhudia mtifuano kama huu kwenye dimba lolote. Hii ilikuwa moja ya hekaheka tu za pambano hilo, ikimuhusisha Torres kama anavyoonekana.

LONDON, England

MABAO mawili yaliyowekwa nyavuni na viungo Juan Mata na Frank Lampard, jana yaliipa Chelsea ushindi wa 2-1 dhidi ya Arsenal, katika pambano kali la Ligi Kuu la mahasimu wa jiji la London, kwenye dimba la Stamford Bridge.

Mata aliifungia Chelsea bao la uongozi, wakati shambulizi tata lilipoonesha kama beki Francis Coquelin wa Arsenal akimchezea rafu Ramires, kisha mpira kumfikia Oscar aliyetoa pasi maridadi kwa Mata liyemtungua mlinda mlango Wojciech Szczesny.

Kuingia kwa bao hilo kuliwapa ujasiri mkubwa Chelsea, huku Gunners wakionekana kupoteana, ambapo dakika ya 15 kipa Szczesny alimwangusha Ramires ndani ya boksi na mwamuzi Martin Atkinson kumpa kadi ya njano huku akiamuru ipigwe penati.

Lampard aliipiga kwa ustadi penati hiyo, kuipa Chelsea bao la pili lililowapeleka mapumziko wakiwa mbele kwa matokeo ya 2-0.

Kipindi cha pili kilianza kwa Arsenal kupigania kusawazisha mabao hayo, juhudi zilizoanza kupata mafanikio baada ya Theo Walcott kuifungia bao la kufutia machozi.

Walcott alifunga bao hilo dakika ya 58 kwenye kona ya kulia ya lango na kumshinda kipa Petr Cech, baada ya kupokea pasi maridadi kutoka kwa Santi Cazorla.

Kwa ushindi huo Chelsea imebaki katika nafasi ya tatu ya msimamo wa Ligi Kuu ikiwa na pointi 45, huku Gunners nayo ikisalia nafasi ya sita na pointi zao 34, pointi 21 nyuma ya vinara Manchester United ambao walikuwa wakicheza na Tottenham jana usiku.

Chelsea; Cech, Azpilicueta, Cahill, Ivanovic, Cole, Ramires, Lampard, Oscar/ Bertrand, Hazard/Marko Marin, Mata, Torres/Demba Ba.

Arsenal; Szczesny, Sagna, Mertesacker, Vermaelen, Gibbs, Coquelin/Aaron Ramsey, Diaby/Andrey Arshavin, Walcott,

You might also like:

KWELI SIMBA NI KIBOKO

LinkWithin

MH WAZIRI MKUU AMJULIA HALI MKUU WA MKOA WA LINDI LUDOVICK MWANANZILA AMELAZWA KATIKA HOSPITALI YA MUHIMBILI

Waziri mkuu Mizengo Pinda amefika katika hospitali ya muhimbili kumpa pole Mkuu wa Mkoa wa Lindi Lodovick Mwananzila amelazwa kwakutokana na ugonjwa wa presha inayo msumbua. (Picha na Chris Mfinanga)