EGETE UTURUKI HADI SAUZI, YANGA 3, LEOPARDS 2

EGETE UTURUKI HADI SAUZI, YANGA 3, LEOPARDS 2

Mshambuliaji wa klabu ya Yanga, Jerryson Tegete amedhihirisha 'kuzaliwa' upya katika ufundi wa kupachika mabao baada ya kuingoza vyema timu yake katika ushindi wa mabao 3-2 dhidi ya timu ya Black Leopards ya Afrika Kusini.

Tegete ambaye alionekana 'kupotea' katika upachikaji wa mabao, alianza kufunga katika dakika ya 26 kwa njia ya penati ambayo ilitokana na wachezaji wawili wa Black Leopards kumwangusha Haruna Niyonzima na baadaye, kufunga bao la tatu kwa mkwaju wa mbali katika dakika ya 72 ya mchezo.

Wakiwa Uturuki, Tegete aling'ara vilivyo katika ufungaji na kuwa mchezaji pekee aliyerejea nchini akiwa na mabao mawili. Hali hiyo imemfanya mchezaji huyo kuwa na ushindani mkali na washambuliaji wenzake wawili, Hamis Kiiza na Didier Kavumbagu ambao wapo katika chati ya juu ya ufungaji katika ligi kuu ya Tanzania Bara.

Tegete alisema kuwa siri kubwa ya kurejea katika kiwango chake ni kufanya mazoezi ya ziada na kujituma zaidi katika uwanja na hasa kutokana na mafunzo mazuri ya kocha wake, Ernest Brandts. "Najifua zaidi katika mazoezi ya timu yangu na sababu kubwa ni kutaka kurejesha namba katika timu ya Taifa ya Tanzania, Taifa Stars.

Didier Kavumbagu (kushoto) akijaribu kumtoka beki wa Black Leopards, wakati wa Mchezo huo, uliomalizika hivi punde kwenye Uwanja wa Taifa jijini Dar es Salaam.

Wachezaji wa Yanga, wakishangilia bao lililofungwa na Jerry Tegete