ARNOLD SCHWARZENEGGER AONGELEA UJIO WA FILAMU MPYA YA TERMINATOR ITAKAYOTOKA 2015.

Muigizaji wa muvi za action na aliyekuwa gavana wa jimbo la California Marekani, Arnold Schwerzenegger(67) amesema kwamba anatarajia kuigiza kwenye filamu mpya ya ‘Terminator’ itakayoanza kutazamwa rasmi kwenye kumbi za sinema Julai 1 mwaka 2015.

Aliyasema hayo akiwa kwenye tamasha lake la michezo ‘Arnold Sports Festival​’ lilofanyika katika mji wa Columbus na kuwataka mashabiki wake wakae mkao wa kula kwani wataanza rasmi shughuli za utengenezaji wa filamu hiyo ifikapo mwezi April mwaka huu.

”Tutaanza shughuli za utengenezaji katikati au mwishoni mwa mwezi wa nne na tutacheza katika mji wa New Orleans baadhi ya vipande na San Francisco na kwa kiasi kidogo Los Angels lakini sehemu kubwa itakuwa ni New Orleans, natazamia matarajio makubwa kama unavyofahamu  kipindi cha mwisho nilipocheza kwenye filamu ya Terminator nilikuwa tayari gavana kwaiyo nisingeweza kuwa kwenye hii filamu ila kwa sasa nimerudi tena na waandaaji wa filamu hii wamefurahishwa kuwa na mimi kwa mara nyingine, Skripti ni nzuri na hivyo natazamia zaidi kwenye filamu hii mpya”, alisema Staa huyo .

Awali Schwerzenegger aliwahi kuigiza kwenye filamu za ‘Terminator’   zilizokuwa na muendelezo ikianzia na  ‘Terminator Judgement Day(1991)’, Rise of the machine(2003) na ile ya mwaka 2009 ‘Terminator Salvation’. kama wewe ni mdau wa movie hii sio ya kukosa.