REAL MADRID YATWAA UBINGWA WA ULAYA, YAITANDIKA BAO 4 -1 ATLETICO

Mchezaji wa Atletico Madrid, Diego Godin akishangilia baada ya kupachika goli la kwanza

Kikosi cha Real Madrid kinachonolewa na Kocha Carlo Anceloti hatimaye kimeweza kutwaa ubingwa wa ligi ya mabingwa barani Ulaya kwa mara ya kumi baada ya kuipa kipigo cha jumla ya bao 4 – 1 timu ya Atletico Madrid katika mtanage uliochezwa katika dimba la Estádio do Sport Lisboa nchini Ureno.

Atletico ndio waliokuwa wa kwanza kuzifumania nyavu za Madrid kupitia mchezaji wake ‘Diego Godin’ mnamo dakika ya 36′ kabla ya kusawazishwa na Sergio Ramos dakika za nyongeza kipindi cha pili cha mchezo na kufanya matokeo kuwa suluhu ya moja moja.

Hata hivyo kibao kiliwageukia mabingwa hao wa Hispania katika kipindi cha dakika 30′ za nyongeza, baada kuruhusu magoli matatu yaliyoipa tiketi ya ushindi Madrid huku yakifungwa na Gareth Bale DK ya 110′, Marcelo DK ya 118′ pamoja na mkwaju wa penalti uliopigwa na Straika Mreno ‘Cristiano Ronaldo’ baada ya kuangushwa.

Mashabiki wa klabu ya Real Madrid wakiwa kwenye majonzi kabla ya timu yao kusawazisha.

BEKI tegemezi wa Real Madrid, Sergio Ramos akishangilia kwa staili ya aina yake baada ya kusawazisha bao dakika za majeruhi za kipindi cha pili cha mchezo